Baş xəbərlər

05.07.2012 09:30

Azərbaycan qazını Avropaya nəql edəcək əsas marşrut 2013-cü ilin mayında seçiləcək

Bakı. Əli Əhmədov - APA-Economics. “Şahdəniz-2” layihəsi çərçivəsində çıxarılacaq Azərbaycan qazının Avropaya nəqli üçün əsas qaz marşrutunun seçimi 2013-cü ilin may ayında başa çatacaq.
“APA-Economics”in xəbərinə görə, bu barədə Azərbaycan Dövlət Neft Şirkətinin (ARDNŞ) prezidenti Rövnəq Abdullayev bildirib.

Onun sözlərinə görə, “Şahdəniz” konsorsiumunun qərarı ilə SEEP layihəsindən imtina olunub: “İndi biz yalnız TAP və “Nabucco West” arasında seçim etməyə konsentrasiya olmuşuq”.

R.Abdullayev deyib ki, seçimdən sonra “Şahdəniz” konsorsiumu seçdiyi marşrutdan pay da alacaq. O, alınması planlaşdırılan payın həcmini açıqlamayıb: “Bu pay boru kəmərinin idarə edilməsi üçün yetərli qədər olacaq”.

bütün xəbərlər