Saytın xəritəsi
Əlaqə
Arxiv
English
version
Русская
версия


SƏRGİ ÇƏRÇİVƏSİNDƏ



Baş xəbərlər

21.01.2013 12:17

Azərbaycan Dövlət Neft Şirkəti Türkiyədə strateji sərmayələrin təşviqi ilə bağlı daha bir vəsiqə alıb

Bakı. Əli Əhmədov – APA-Economics. Türkiyənin strateji sərmayələrin təşviq edilməsinə dair ikinci vəsiqəsi də Azərbaycan Dövlət Neft Şirkətinin (ARDNŞ) aktivi olan «Petkim»ə verilib. «APA-Economics»in ARDNŞ-ə istinadən yaydığı məlumata görə, Türkiyə Böyük Millət Məclisində qəbul edilmiş «Təşviq qanunu» çərçivəsində bu ölkəyə sərmayə yatıran ən iri şirkətlərə strateji investisiyaların təşviq edilməsinə dair vəsiqələrin verilməsi davam edir.

İlk vəsiqə 2012-ci il dekabrın 5-də «Star» neft emalı zavoduna yatırılan sərmayələr üçün «SOCAR Energy Turkey» şirkətinə verilib, İstanbulun «Çırağan» otelində keçirilən mərasimdə Türkiyənin iqtisadiyyat naziri Zəfər Çağlayan vəsiqəni ARDNŞ prezidenti Rövnəq Abdullayevə təqdim edib.

«Sevindirici haldır ki, strateji sərmayələrin təşviq edilməsinə dair Türkiyə Cümhuriyyətinin ikinci vəsiqəsi ARDNŞ-in qardaş ölkədəki aktivi olan «Petkim» Holdinqi»nə verilib», - deyə ARDNŞ-in məlumatında bildirilir. «Petkim»in icraçı direktoru Sadəddin Qorqud bu münasibətlə kollektivi təbrik edərək bildirib ki, strateji sərmayələrin təşviq edilməsi vəsiqəsi «Petrokimya Məhsulları Potensialı Artımı və Yeni Məhsul İstehsalı» layihəsi çərçivəsində etilen və təmiz turşu (PTA) zavodları üçün nəzərdə tutulan sərmayələrin reallaşdırılmasını asanlaşdıracaq. Sərmayələrin yatırılması başa çatdıqdan sonra etilen zavodunun illik potensialı 13% artacaq, PTA zavodunun illik potensialı isə 70 min tondan 105 min tona qədər yüksələcək. İcraçı direktor yeni sərmayələrlə birlikdə «Petkim»in illik istehsal potensialının 3,2 mln. tondan 3,5 mln. tona yüksələcəyini qeyd edib. «O, təşviq vəsiqəsini Türkiyə dövlətinin «Petkim»ə verdiyi dəstəyin ifadəsi kimi qiymətləndirib», - deyə məlumatda bildirilir.

bütün xəbərlər




BİZƏ QOŞULUN!
Baş xəbərlər
PLATİN SPONSOR



QIZIL SPONSOR






SPONSORLAR







































RƏSMİ SƏYAHƏT AGENTLİYİ
Greenwich Travel Club
TƏHLÜKƏSİZLİK ÜZRƏ TƏRƏFDAŞ
VALYUTA MƏZƏNNƏSİ
  03/07/2022 04/07/2022
USD 1.7 1.7
EUR 1.8968 1.8968
GBP 2.1937 2.1937
RUR 0.0264 0.0264
HAVA



Caspian Oil & Gas Azerbaijan is Copyright © 2000-2022 Bütün hüquqlar qorunur. Hosted by VebTek